ᱱᱳᱣᱟᱠᱷᱟᱞᱤ ᱦᱚᱱᱚᱛ

Noakhali District ᱱᱳᱭᱟᱠᱷᱟᱞᱤ ᱦᱚᱱᱚᱛ নোয়াখালী
District
Location of ᱱᱳᱣᱟᱠᱷᱟᱞᱤ ᱦᱚᱱᱚᱛ in Bangladesh
Expandable map of ᱱᱳᱣᱟᱠᱷᱟᱞᱤ ᱦᱚᱱᱚᱛ
Coordinates: 22.70°N 91.10°E / 22.70; 91.10
Country	Bangladesh
Division	Chittagong Division
Established	1821
ᱮᱨᱤᱭᱟ
• ᱞᱮᱠᱷᱟᱜᱩᱴ	4202.70 ᱠᱤᱢᱤ২ (1622.67 ᱜᱟᱺᱴ ᱢᱟᱭᱤᱞ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ	(2011census)
• ᱞᱮᱠᱷᱟᱜᱩᱴ	᱓,᱑᱐᱘,᱐᱘᱓
• ᱰᱮᱱᱥᱤᱴᱤ	740/ᱠᱤᱢᱤ2 (1900/ᱜᱟᱺᱴ ᱢᱟᱹᱭᱤᱞ)
Literacy rate
• Total	69.57%
BST (ᱭᱩᱴᱤᱥᱤ+06:00)
ᱯᱤᱱ ᱠᱳᱰ	3800
ᱣᱮᱵᱽᱥᱟᱭᱤᱴ	www.noakhali.gov.bd

ᱱᱳᱣᱟᱠᱷᱟᱞᱤ ᱦᱚᱱᱚᱛ ᱵᱟᱝᱞᱟᱫᱮᱥ ᱫᱟᱹᱠᱷᱤᱱ-ᱯᱩᱨᱩᱵᱽ ᱚᱱᱪᱚᱞ ᱨᱮ ᱢᱮᱱᱟᱜ-ᱟ᱾ ᱱᱚᱣᱭᱟ ᱫᱚ ᱪᱚᱴᱴᱚᱜᱨᱟᱢ ᱠᱷᱚᱸᱰ ᱨᱮᱭᱟᱜ ᱢᱤᱫᱴᱟᱝ ᱯᱚᱨᱥᱟᱥᱚᱱᱤᱠ ᱮᱞᱟᱠᱟ ᱠᱟᱱᱟ᱾

ᱱᱟᱜᱟᱢ

ᱱᱳᱣᱟᱠᱷᱟᱞᱤ ᱦᱚᱱᱚᱛ ᱨᱮᱭᱟᱜ ᱥᱩᱢᱩᱝ ᱫᱚ ᱔᱒᱐᱒.᱗᱐ ᱵᱚᱨᱜᱚ ᱠᱤᱞᱚᱢᱤᱴᱟᱹᱨ᱾ ᱨᱟᱡᱽᱫᱷᱟᱱᱤ ᱰᱷᱟᱠᱟ ᱠᱷᱚᱱ ᱱᱤᱭᱟᱹ ᱦᱚᱱᱚᱛ ᱨᱮᱭᱟᱜ ᱥᱟᱸᱜᱤᱧ ᱑᱗᱑ ᱠᱤᱞᱚᱢᱤᱴᱟᱹᱨ ᱟᱨ ᱪᱚᱴᱴᱚᱜᱨᱟᱢ ᱠᱷᱚᱸᱰ ᱨᱮᱭᱟᱜ. ᱥᱚᱫᱚᱨ ᱠᱷᱚᱱ ᱑᱓᱖ ᱠᱤᱞᱚᱢᱤᱴᱟᱹᱨ᱾ ᱱᱚᱣᱟ ᱦᱚᱱᱚᱛ ᱨᱮᱭᱟᱜ ᱯᱩᱨᱩᱵᱽ ᱫᱚ ᱪᱚᱴᱴᱚᱜᱨᱟᱢ ᱦᱚᱱᱚᱛ ᱟᱨ ᱯᱷᱮᱹᱱᱤ ᱦᱚᱱᱚᱛ, ᱩᱛᱟᱹᱨ ᱫᱚ ᱠᱩᱢᱤᱞᱞᱟ ᱦᱚᱱᱚᱛ, ᱯᱩᱪᱷᱤᱢ ᱫᱚ ᱞᱚᱠᱠᱷᱤᱯᱩᱨ ᱦᱚᱱᱚᱛ ᱟᱨ ᱵᱷᱚᱞᱟ ᱦᱚᱱᱚᱛ, ᱫᱟᱹᱠᱷᱤᱱ ᱫᱚ ᱵᱚᱝᱜᱚᱯᱚ ᱥᱟᱜᱚᱨ(ᱚᱜᱚᱢᱚ ᱫᱚᱨᱮᱭᱟ) ᱢᱮᱱᱟᱜ-ᱟ᱾

ᱯᱚᱨᱥᱟᱥᱚᱱᱤᱠ ᱮᱞᱟᱠᱟᱠᱚ

ᱱᱳᱣᱟᱠᱷᱟᱞᱤ ᱦᱚᱱᱚᱛ ᱙ ᱜᱚᱴᱟᱝ ᱩᱯᱚᱡᱮᱞᱟ, ᱙ ᱜᱚᱴᱟᱝ ᱛᱷᱟᱱᱟ, ᱘ ᱜᱚᱴᱟᱝ ᱯᱳᱣᱨᱚᱥᱚᱵᱷᱟ, ᱙᱓ ᱜᱚᱴᱟᱝ ᱤᱭᱩᱱᱤᱭᱚᱱ, ᱘᱘᱒ ᱜᱚᱴᱟᱝ ᱢᱳᱣᱡᱟ, ᱙᱖᱗ ᱜᱚᱴᱟᱝ ᱟᱛᱚ ᱟᱨ ᱖ ᱜᱚᱴᱟᱝ ᱥᱚᱝᱥᱚᱫ ᱮᱞᱟᱠᱟᱠᱚ ᱛᱮ ᱦᱩᱭᱟᱠᱟᱱᱟ᱾

ᱩᱯᱚᱡᱮᱞᱟᱠᱚ

1. ᱠᱚᱵᱤᱨᱦᱟᱴ ᱩᱯᱚᱡᱮᱞᱟ
2. ᱠᱚᱢᱯᱟᱱᱤᱜᱚᱸᱡᱽ ᱩᱯᱚᱡᱮᱞᱟ
3. ᱪᱟᱴᱠᱷᱤᱞ ᱩᱯᱚᱡᱮᱞᱟ
4. ᱱᱳᱣᱟᱠᱷᱟᱞᱤ ᱥᱚᱫᱚᱨ ᱩᱯᱚᱡᱮᱞᱟ
5. ᱵᱮᱜᱚᱢᱜᱚᱸᱡᱽ ᱩᱯᱚᱡᱮᱞᱟ
6. ᱥᱩᱵᱚᱨᱚᱱᱪᱚᱨ ᱩᱯᱚᱡᱮᱞᱟ
7. ᱥᱮᱱᱵᱟᱜᱽ ᱩᱯᱚᱡᱮᱞᱟ
8. ᱥᱚᱱᱟᱭᱢᱩᱲᱤ ᱩᱯᱚᱡᱮᱞᱟ
9. ᱦᱟᱛᱤᱭᱟ ᱩᱯᱚᱡᱮᱞᱟ

ᱦᱚᱲᱠᱚ

᱒᱐᱑᱑ ᱥᱮᱨᱢᱟ ᱨᱮᱭᱟᱜ ᱞᱮᱠᱷᱟ ᱧᱟᱢ ᱱᱳᱣᱟᱠᱷᱟᱞᱤ ᱦᱚᱱᱚᱛ ᱨᱮ ᱓᱓,᱗᱐,᱒᱕᱑ ᱜᱚᱴᱟᱝ ᱦᱚᱲ ᱢᱮᱱᱟᱜ ᱠᱳᱣᱟ᱾ ᱚᱱᱟ ᱛᱟᱞᱟᱨᱮ ᱠᱚᱲᱟ ᱑᱖,᱑᱐,᱓᱓᱓ ᱜᱚᱴᱟᱝ, ᱠᱩᱲᱤ ᱑᱗,᱕᱙,᱘᱐᱗ ᱜᱚᱴᱟᱝ᱾ ᱦᱚᱱᱚᱛ ᱨᱮ ᱢᱮᱱᱟᱜ ᱠᱚ ᱦᱚᱲ ᱠᱷᱚᱱ ᱢᱩᱥᱞᱟᱹ ᱙᱕.᱔᱒%, ᱦᱤᱱᱫᱩ ᱔.᱔᱒%, ᱵᱳᱫᱫᱷᱚ ᱥᱟᱶ ᱮᱴᱟᱜ ᱫᱷᱚᱨᱚᱢ ᱨᱮᱱ ᱦᱚᱲ ᱠᱚ ᱐.᱐᱖%᱾

ᱦᱮᱡᱩᱜ ᱥᱮᱱᱚᱜ

ᱱᱳᱣᱟᱠᱷᱟᱞᱤ ᱦᱚᱱᱚᱛ ᱨᱮᱭᱟᱜ ᱦᱮᱡᱩᱜ ᱥᱮᱱᱚᱜ ᱞᱟᱹᱜᱤᱫᱽ ᱯᱚᱨᱫᱷᱟᱱ ᱥᱚᱲᱚᱠ ᱫᱚ ᱪᱷᱮᱰᱟ-ᱱᱳᱣᱟᱠᱷᱟᱞᱤ ᱢᱚᱦᱟᱥᱚᱲᱚᱠ, ᱟᱨ ᱪᱚᱴᱴᱚᱜᱨᱟᱢ-ᱱᱳᱣᱟᱠᱷᱟᱞᱤ ᱢᱚᱦᱟᱥᱚᱲᱚᱠ᱾ ᱡᱚᱛᱚ ᱞᱮᱠᱟᱱ ᱢᱚᱴᱚᱨ, ᱥᱟᱜᱟᱲ ᱠᱚᱜᱮ ᱧᱟᱢᱚᱜ-ᱟ᱾ ᱚᱱᱟ ᱵᱮᱜᱚᱨᱦᱚᱸ ᱨᱮᱞ ᱜᱟᱰᱤ ᱨᱮᱭᱟᱜ ᱦᱚᱸ ᱦᱮᱡᱩᱜ ᱥᱮᱱᱚᱜ ᱟᱹᱰᱤ ᱢᱚᱡᱽ ᱵᱮᱵᱚᱥᱛᱟ ᱢᱮᱱᱟᱜ-ᱟ᱾

ᱫᱷᱚᱨᱚᱢ ᱡᱟᱜᱟᱠᱚ

ᱱᱳᱣᱟᱠᱷᱟᱞᱤ ᱦᱚᱱᱚᱛ ᱨᱮ ᱔᱑᱕᱙ ᱜᱚᱴᱟᱝ ᱢᱚᱥᱡᱤᱫᱽ, ᱔᱙᱗ ᱜᱚᱴᱟᱝ ᱤᱫᱽᱜᱟᱦ ᱢᱟᱴ, ᱒᱓᱙ ᱜᱚᱴᱟᱝ ᱢᱚᱱᱫᱤᱨ, ᱵᱟᱨᱮᱭᱟ ᱵᱤᱦᱟᱨ ᱟᱨ ᱢᱤᱫᱴᱟᱝ ᱠᱟᱛᱚᱞᱤᱠ ᱜᱤᱨᱡᱟᱹ ᱢᱮᱱᱟᱜ-ᱟ᱾

ᱜᱟᱰᱟᱠᱚ

ᱱᱳᱣᱟᱠᱷᱟᱞᱤ ᱦᱚᱱᱚᱛ ᱨᱮᱭᱟᱜ ᱯᱚᱨᱫᱷᱟᱱ ᱜᱟᱰᱟ ᱫᱚ ᱢᱮᱜᱷᱱᱟ᱾ ᱚᱱᱟ ᱵᱮᱜᱚᱨᱦᱚᱸ ᱧᱩᱛᱩᱢᱟᱱ ᱜᱟᱰᱟ ᱰᱟᱠᱟᱛᱤᱭᱟ ᱟᱨ ᱠᱟᱹᱴᱤᱡᱽ ᱯᱷᱮᱹᱱᱤ ᱜᱟᱰᱟ ᱢᱮᱱᱟᱜ-ᱟ᱾

ᱟᱨᱦᱚᱸ ᱧᱮᱞ

• ᱪᱚᱴᱴᱚᱜᱨᱟᱢ ᱠᱷᱚᱸᱰ
• ᱵᱟᱝᱞᱟᱫᱮᱥ ᱨᱮᱭᱟᱜ ᱦᱚᱱᱚᱛᱠᱚ